طورطة ساهلة فاجئي بها زوجك فعيد زواجكم

مقادير و طريقة تحضير حلوة لاكريم :

4 بيضات +120غ السنيدة نضربوهم مزيان حتى ولي ابيض بحال كريما
ونزيد عليه 120غ الدقيق نخلط بالملعقة الخشبية بشوية بشوية
حتى نكمل الدقيق ومن بعد ندهن لاطة بالزبدة ونصب فيها الخليط والى الفرن
مخاصهاش تحمر بزاف.

اما بالنسبة الكريما:

ناخد نصف كيلو كريم فريش نضربوه مع 4معالق السنيدة حتى يطلع
ونزيد عليها جبلي تاع 12درهم ونخلط معاه مزيان، انا درت جوج جنوزات
اخدت الاولى دهنتها بالسيرو ودرت شوية الكريما
ودرت جينوازة التانية وسقيتها وغطيتها بالكريما
ولك الاختيار في التزيين.
اما انا فزينتها درت نصف كيلو البرقوق حيت ليه العضم ونقيته
ودرت ليه كاس السنيدة وجوج كيسان الماء ومعلقة صغيرة الحامض
ودرت فوق النار لمدة 4-8 دقائق ومن بعد زينت بيه
وهادك سيرو هو لسقيت بيه جنواز.
و هاهي واجدة بالصحة و الراحة.